Saturday, March 29, 2025

Imāginēs conventiculī

Hodiē quattuor gladiātōrēs in hortō congressī, vītā Datamīs perfectā, mīra Epamīnōndae illīus gesta legere incēpimus (Nep. Ep. 6). Ante fīnem conventiculī gladiātōrēs investīgātōrēs factī sunt ut agnōscerent quid frūctūs ā puerīs super mēnsam positī essent. Respōnsum ōrāculī inter-rētĭāriī fuit: nōn piper, sed Aloē striāta. Ad proximum conventiculum!
Quattuor gladiātōrēs

Quid est hoc?


Num piper?


Aloē striāta

 

Friday, March 28, 2025

Tuesday, March 18, 2025

Conventiculum Mārtium

 Conveniēmus, amīcī, diē Sāturnī 29ō Mārtiī, hōrā 13:00 (1 P.M.) in āreā statīvā hāc:

4187 Eastgate Mall, San Diego, CA 92121



deinde in agrō propinquō, quī prope campum Ūniversitātis Californiae est, librum Cornēliī Nepōtis (Nep. Dat. 10) legēmus. Venīte crēbrī!




Saturday, February 22, 2025

Imāgō conventiculī


Nesciō quā dē causā telephōnium meum imāginem omnium nōn pīnxerit, sed tantum Hieremīae nostrī, quī tuniculam acceptam induit. Adfuērunt et Jūdiciola, Gabriēl, Erīcus, ego, dolentēs propter absentiam Jōhannis quī aegrōtat (utinam quam prīmum iterum bene sē habeat). Lēgimus vērō usque ad paenultimum caput (Nep. Dat. 10).