Avē, Rēginalde, gladiātōrēs tē salūtant

P. Rēginaldus Foster MXMXXXIX - MMXX

Optō quidem vōbīs fēlīcem diem Chrīstī nātālem, cārissimī! Oportet autem nūntium trīstem vōbīs dare. Obiit enim hāc nocte p. Reginaldus Foster, quondam ā sēcrētīs Vāticānīs, Latinista celeberrimus:

https://thelatinlanguage.org/blog/requiescat-in-pace-reginaldus/

Quem bis eum vīsitāvī in hospitiō:  

https://gladivs.blogspot.com/search/label/Pater%20Reginaldus 

 Cōnēmur ergō, amīcī, linguam Latīnam vīvam, cujus P. Rēginaldus perītissimus erat, per gregem nostrum pusillum et in urbe nostrā colere. Sit tibi terra levis, Pater!

X - Quid hoc reī, ō Thōmā?

IX - Nam tū malum, ō Thōmā!

Nūntius Conventiculī Decembris

 

Conveniēmus, amīcī cārissimī, diē Sāturnī 19ō Decembris (a.d. XIV Kal. Jan.), hōra 13:00, in hortō ad pedēs Montis Nigrī:

9711 Oviedo Way, San Diego, CA 92129

Deinde poterimus sīve in hortō manēre sīve ad summum montem ascendere. Dē quō, audītīs sodālibus, ipsō diē dēcernēmus. 

VIII - Respondē, ō Thōmā!

VII - Ηercle, ō Thōmā!

VI - Habēs amīcam, ō Thōmā!

V - Habuī pustulās, ō Thōmā!

Imāginēs conventiculī hōdiernī

Hodiē, a.d. XVIII Kal. Dec., congregātī sumus trēs gladiātōrēs in Agrō Caeruleō. Deinde usque ad lacum Pauiēnsem (vulgō Poway) ambulāvimus dē variīs rēbus colloquentēs. Inter quās, optimī ad Latīnum docendum librī, diēs āctiōnis grātiārum, S. Augustīnus, etc. Tandem reversī ad āream stātīvam valē dīximus. Futūrum autem conventiculum fīet in Monte Nigrō.

Rubus hic ubīque pullulat

Ecce lacus, ō amīcī!

Ultima cēna in tempore corōnāvīrī

 

IV - Abī et lūde, ō Thōmā!

Nūntius Conventiculī Novembris.

Conveniēmus, amīcī meī, diē Sāturnī 14ō Novembris (a.d. XVIII Kal. Dec.), hōrā 13ā (1 P.M.) in āreā statīvā hāc:

16275 Espola Rd, Poway, CA 92064

Deinde ambulābimus Latīnē colloquentēs per Agrum Caeruleum (vulgō  Blue Sky Ecological Reserve). Perveniēmusne ad Lacum Ramōnam?

Venīte bene calceātī!

III - Ecce duodecim nucēs, ō Thōmā!

Conventiculum in Pusillā Ītaliā

 

Hodiē convenīmus trēs gladiātōrēs in Pusillā Ītaliā. Ibi paulum ambulantēs collocūtī sumus dē rēbus nostrīs. Saltem dīcam nūntium lepidum ūnum, quod Jūdiciolæ est fēlēs nōmine Jōannēs! Jōhannēs autem noster amat cannullās Ītalicās, quae fīlia suā cāseō implet. Ideō emendae eī fuērunt. Reversī tandem ad Agrum Amīcōrum valedīximus. Ad proximum conventiculum!

Valēte!

II - Nōn licet tibi, ō Thōmā!

I - Thōmā, tū Thōmā!

Nūntius Conventiculī Octōbris.

Amīcī cārissimī, conveniēmus diē Sāturnī, 24ō Octōbris, hōrā 15ā (3 PM), in Agrō Amīcōrum (vulgō, Amici Park), in Pusillā Ītaliā (cf. Cic. Att. 5.2.2) ut lepidē Latīnē colloquāmur. Deinde mīrābilia illīus regiōnis explōrābimus! Venīte igitur crēbrī beneque calceātī! 

 State St & W Date St San Diego, CA 92101

Magus Ozī

 

$10

XXX - Fīnis

XXIX - Bona sāga.

Dē conventiculō hodiernō

Hodiē Nōnīs Septembribus, trēs gladiātōrēs ad Latīnē loquendum congregātī, circum īvimus Lacum Mīrāmarīnum. Magnō cum gaudiō vīdimus vultūs aliōrum nōn per māchinam sed tantum oculīs. Dum circā lacum ambulāmus, dē temporibus istīs vītāque nostrā locūtī sumus. Tandem, circuitū perfectō, Jōhannēs tunicam gladiātōriam accēpit. Caelō favente, conventiculum futūrum erit in Parvā Ītaliā.

 

XXVIΙΙ - Nōlī flēre, ō Dōrothea!

Nūntius conventiculī Septembris

Amīcī, Conveniēmus ad Latīnē loquendum diē Sāturnī  5ō Septembris,  hōrā 13:00 (sīve 1 P.M.), apud Lacum Mīrāmărīnum  (vulgō, Miramar Lake). Ubi sagitta in chartā geōgraphicā picta est, ibi vōs in āreā statīvā expectābimus. Venīte crēbrī ut Sōle salūtiferō, amīcitiā, linguā Latīnā simul fruāmur!

10710 Scripps Lake Dr, San Diego, CA 92131

32.9139308,-117.0993356

Calepīnus septem linguārum

 Virō doctō quōdam requīrente, perfēcī ēditiōnem lexicī hujus:

 

Fortasse et vōbīs, amīcī lēctōrēs, ūtilis erit.

XXVIΙ - Āerostātum

XXVI - Ego vir fidēlis sum!

XXV - Ōze, ubi es?

XXIV - Ad aulam Ozī.

XXIII - Valdē gaudeō!

ΧΧΙΙ - Aqua mē perdit!

XXI - Ad castellum malæ sāgæ

XX - Sīmiæ volātilēs

Dē conventiculō Māiō

Hodiē, congregātiōnibus adhūc prohibitīs, gladiātōrēs quattuor convēnērunt in locūtōrium Zoom, nempe Jūdiciola, Jōhannēs, Lūcius, Robertus. Deinde dē variīs rēbus cōnfābulātī sumus ad vītam nostram pertinentibus et dē linguā Latīnā (ligāmen ad grammaticam Latīnam Latīnē scrīptam). Tandem ā Jūdiciolā prōpositum est ut iterum faciem ad faciem proximō mēnsē conventūrī sīmus! Fīat, Fīat!

XIX - Apēs āvolant

XVIII - Lupī fugiunt

XVII : Mala sāga occidentis

Dē conventiculō hodiernō

Hodiē breviter collocūtī sumus per locūtōrium cui nōmen Zoom. Nunc enim nōn licet nōbīs convenīre ut solēbāmus. Tamen amīcitia per linguam Latīnam cōnstitūta neque morbō neque carcere domesticō dēficit. Utinam autem mēnsē Majō iterum in locō amoenō congregātūrī sīmus!

Nūntium conventiculī Aprīlis

Amīcīs audītīs, Lūciō grātiās habentēs,conveniēmus diē Sāturnī, 11 Aprīlis (a.d. III Id. Apr.), hōrā 13ā in locutōriō cui nōmen Zoom:

Deinde lēctiōnem Nepōtis pergēmus.

XVI : Ūnā ergō omnēs ībimus!

XV : Ego sum Ozus!

XIV : Rēgia

Conventiculum cum Lūciō

Hodiē, multōs post annōs, iterum Lūcius nōbīscum ad conventiculum adfuit. Ideō, Nepōte relictō, dē variīs rēbus collocūtī sumus: nempe dē Āpulēiō, cujus opus Lūcius mōre Ørbergiano illūstrābit, dē linguā Latīnā docendā, dē prōnūntiātiōne ejus, dē vītā nostrā temporibus istīs. Optāmus Lūciō in Pennsylvāniam prōcēdentī omnia fausta. Utinam quam prīmum Didacōpolin redeat! In proximum conventiculum!