Conventiculum Aprilis, A.D. MMXI

Mense Aprili, in campo Universitatis Californiae congregati sumus. In bibliotheca nonnulla artificum opera et libros Lingua Latina scriptos vidimus. Deinde, potiones sorbuimus, multa de fabis et pithagoricis disputantes.

Kynetus et Triton, pater ejus.

Ex sinistris, Kynetus, Rosa (Elioti discipula), Eliotus, Ha, Lucius, Robertus

Kynetus et Eliotus chartam geographicam lingua Latina ornatam inspiciunt.

Ha et Lucius Nicolai Copernici De Revolutionibus librum mirantur. Nos autem collum Lucii miramur. :-)

Nuntius Conventiculi Aprilis

Salvete, amici Latine loquentes! Vos omnes invitamus ad conventiculum Gladii Aprile, quo fiet die Solis 17o Aprilis, hora 14a (2 P.M.), apud Campum Universitatis Californiae, Didacopoli. Vos expectabimus circa aditum areae stativae Gilmaniensis (vulgo, Gilman Parking Structure), ubi autoraedam vestram relinquere licet. Exhibitiones autem visitabimus in bibliotheca Geiselensi. Venite crebri!

Inspice Largiorem Chartam

Area Stativa Gilmaniensis

Imagines de conventiculo Martio

Hoc mense apud Agrum Semitarum Missionis congregati sumus. Ibi deambulavimus secundum flumen, jucundum colloquium habentes. Gratias agimus Hae quae nobis crustula optima tulit.

Ha et Lucius

Eliotus timet ne photogramma animam ejus capiat.

Eliotus horizontem scrutat

Ha tria pulchra umbracula habet

Lucius impavidus virtutem suam ostendit

Nos omnes

O crustulum, quam bonum es!

De Conventiculo Martio

Salvete, vivae latinitatis cultores ac doctissimi hominum! Cum tempus iterum conveniendi sit, hoc mense congregabimur ut Latine loquamur die Martii 20a (die Solis), hora 14a (2a P.M.) apud Visitatorum Praesidium in Agro Semitarum Missionis (vulgo, Mission Trails Park):

1 Father Junipero Serra Trail

San Diego, CA 92119

Inspice largiorem chartam geographicam

Poterimus circa praesidium manere vel usque ad antiquum agger deambulare.

Venite crebri et valete quam optime!
Notate, amici, quod initium conventiculi immutatum est, cum nunc hora 14a fiat.

Imagines Conventiculi Februarii

Inter strepitus anserum et anatum, et voces latinae auditae sunt, cum latinitatis vivae gladiatores jucunde congregati essent apud lacum Miramarinum.

Ecce nos omnes: Robertus, Ha, Kynetus, Lucius, Eliotus

Eliotus rem magni momenti Lucio Haeque explicat

Kynetus meditabundus

Ha sub pulchro umbraculo

Iterum nos omnes

Jocosus Eliotus sub Hae umbraculo.

Ex sinistris: Lucius, Robertus, Eliotus, Ha, Kynetus.

Nuntius de Conventiculo Februario

Latinitatis vivae amatores, congregabimur ad Latine loquendum hora 14:00 (sive 2 P.M.), die Solis 13 Februarii, apud Lacum Miramarinum (vulgo, Miramar Lake). Locus enim amoenus est et arboribus decoratus. In area stativa, ubi sagitta viridis in charta geographica videtur, vos expectabimus.

10455 Scripps Lake Dr

San Diego, CA 92131
Venite crebri!

Inspice largiorem chartam

Imagines Conventiculi Januarii

Conventiculum Januarium optime evenit, amici! Sex enim homines adfuerunt ex quibus duo, nempe Kynetus et Andrea, longe abfuissent. Lucius autem noster pelliculas aliquas confecit quas nos visuros mox esse speramus. Gavisi etiam sumus quia anima Elioti a machinula photographica capta non est. Non vidimus tamen Nicolaum illum emeritum, qui prope lacum habitat. Numquid videbimus eum mense Februario?