Elizabetha effugit nos!

Hodie, cum conaremur Elizabetham a libris eripere,  ipsa effugit nos! Aliquando enim vita nostra comoedia plautina fit. Primo, Eliotus, Hieremias et ego convenimus ad aream stativam Gilmaniensem, sicut statutum erat. Deinde ad aulam magnam ambulavimus ubi invenimus Aliciam, quae putabat nos omnes illic conventuros esse. Postremo, fatigati, in caupona consedimus. Hieremias autem nuntium electronicum ex Elizabetha accepit, quo illa certiores nos facerent de casu suo. Ea quoque enim  putabat nos conventuros  alicubi, nempe apud scalas ad cellam ejus ducentes (sic saltem opinor). Hieremias deinde alterum nuntium remisit cuius responsus numquam pervenit. Quod autem non impedivit quin lepidum colloquium lingua Latina inter amicos fieret. Speramus tamen proximo mense Elizabetham nobiscum conventuram esse. Valete omnes!

Conventiculum Decembre: De Elizabetha a Libris Eripienda

Elizabetha nostra, diligentissima discipula, fere omnes diei horas libris impendit. Ne nimium studium eam defatiget, opus est nobis redire ad campum Universitatis Californiae. Congregabimur igitur ad aream stativam Gilmaniensem (vulgo Gilman Parking Structure), die Saturni, Kalendis Decembribus (i.e. 1o Decembris), hora 14a (sive 2 P.M.). Deinde, Elioto duce, ad locum ubi Elizabetha se condit, Latine colloquentes, ambulabimus. Puella a libris erepta, iter prosequemur usque ad horam 16am, ne tenebrae praeveniant nos.

Valete, amici!

9500 Gilman Dr
La Jolla, CA 92093

Inspice Largiorem Chartam

Area Stativa Gilmaniensis

Imagines de Conventiculo Octobri

Salvete, omnes amici! Post multos menses, heri conventiculum gregis nostri factum est. Magno cum gaudio inter nos accepimus novam gladiatricem, Aliciam, quae impavida Latine locuta es prima vice in vita sua.
Nobiscum erat etiam Elizabetha diligentissima, nuper in campum reversa, et Eliotus sagacissimus.
Congregati ideo in campo Universitatis Californiae, visitavimus primo bibliothecam. Ibi mirati sumus exhibitionem librorum de re maritima et praesertim de piratis. Inter quos invenimus  librum quemdam Latine conscriptum:

Praeclara Ferdinandi Cortesii De noua maris Oceani Hyspania narratio

Postea, more majorum servato, imago pusilli gregis photographica capta est:

Ex sinistris: Robertus, dimidius Eliotus, Elizabetha, Alicia

Deinde, in caupona sedentes ac potiones frigidas sumentes, lepide disputavimus de modo subjunctivo cum in lingua Latina, tum in lingua Anglica. Quid amplius dicam? Vivat lingua Latina! Floreat G.LA.DI.VS!

Conventiculum Octobre: Reditus ad Campum.

Pergratus Elizabethae necnon Elioto ob generosam indolem, post multos menses, nuntio vobis locum ac tempus conventiculi. Revertentes enim ad campum Universitatis Californiae, congregabimur ad aream stativam Gilmaniensem (vulgo Gilman Parking Structure), die Saturni, 6o Octobris, hora 15a (sive 3 P.M.). Deinde, si vobis placuerit, visitabimus exhibitionem in bibliotheca. 

Valete, amici!

9500 Gilman Dr
La Jolla, CA 92093

Inspice Largiorem Chartam

Area Stativa Gilmaniensis

De conventiculo Majo

Invito vos, amici, ad conventiculum Junium in Horto Balboico (vulgo, Balboa Parco),  die Solis 20o Maji, hora 15a (3 PM). Vos expectabo una cum parentibus meis Didacopolin visitaturis ante papilionem organicum. Deinde Latine loquentes per hortum deambulabimus. Parentes autem Latine nesciunt, pro dolor! 

1549 El Prado # 10 

 San Diego, CA 92101

Papilio organicus

Valete omnes!

De conventiculo Aprili apud Lacum Muriavicum

Post multas longasque deliberationes, conveniemus, amici Latine loquentes,  die Saturni 21 Aprilis, hora 15 (3 P.M.), apud Lacum Muriavicum, ubi jam bis congregati sumus.

5540 Kiowa Dr

La Mesa, CA 92120

Inspice majorem chartam

Ligamen pulsate, quaeso: vos expectabimus in loco a sagitta viridi indicato, ubi caupona invenitur. Spero vos omnes adfuturos!

Valete quam optime!

Ridentia prata circa lacum

Imagines de conventiculo Martio

Hodie, a.d. IX Kal. Apr., conventiculum jucundissimum factum est in Parva Italia, cum ostendere ecclesiam Dominae Nostrae Rosarii gladiatoribus cuperem. Eliotus autem noster,  joco de sacerdote Catholico ac rabbi Judaeo narrato, videbatur semper suspiciens in excelsum atque manibus saepe junctis. Nuptiis quorumdam hominum celebratis, introivimus tandem in ecclesiam ut picturas miraremur. Cum Elizabetha interrogavisset me de vulto Domini, pauca verba de  Augustae Taurinorum sindone locutus sum. Cujus potestis aliquas Latine commentatas imagines inspicere in pagina ista ex situ Familiae Sancti Hieronymi. Gratias vobis ago, amici! Ad proximum conventiculum!

Ex sinistris, Rosa, Elizabetha, Eliotus suspiciens in excelsum, Lucius (cum barba!)

Ex sinistris, Robertus, Lucius, Eliotus, Elizabetha, Rosa.

Nuntius de conventiculo Martio

Hoc mense, amici carissimi, die Saturni 24a, hora 15a (3a PM), revertemur in Parvam Italiam, ubi jam adfuimus anno praeterito, ad visitandam ecclesiam Dominae Nostrae Rosarii, quae miras imagines pictas continet. Deinde Latine loquentes deambulabimus per vias. Congregabimur autem in Agro Amicorum (vulgo, Amici Park), ad bivium istud



State St & W Date St San Diego, CA 92101

Imagines cenae in domo Kyneti, sive conventiculi Februarii.

Ecce, amici, photogrammata de conventiculo Februario quod domi benignissimorum Kyneti et uxoris ejus factum est. Kynetus autem domum suam nobis ostendit et locos ubi  se strenue exercet.  Cibumque optimum nostri hospites  nobis paraverunt quibus maximas quidem gratias agimus. Ad proximum conventiculum!

Kynetus Elioto Rosaeque ostendit locum ubi summa mane jocose deambulat

Julia cum discipulis suis, duabus puellis, nomine Alicia et Kira.

Post cenam, ante discessum.

Hac vice Eliotus machinulam photographicam vitare nequivit.

Conventiculum Februarium sive Cena Kyneti

Hoc mense, amici Latine loquentes, conventiculum fiet apud domum Kyneti nostri, qui nos benignissime ad
cenam invitavit. Cui maximas gratias agentes, illic itaque congregabimur die Saturni 25a Februarii, hora 17a (5a P.M.):

6203 Caminito Andreta
San Diego, CA 92110

Animo autem stoico hospitis omnibus patente, confidimus cenam Kyneti cenae Trimalchionis similem non futuram. More enim majorum servato, salubribus escis ac potionibus vescentes, de honestate vitae argute colloquemur. Venite crebri!


Inspicite largiorem mappam

Photogrammata de conventiculo Januario

Quid ventus et procellae coram quinque declinationibus et quattuor conjugationibus? Quid pluvia coram consecutione temporum? Gladiatores semper ad omnia parati sunt! Spernentes enim furiam tempestatis, hodie quattuor indomiti gladiatores convenerunt in sinu Missionis ad Latine loquendum. Macti virtute!

 

Ex sinistris, Eliotus, Kynetus, Robertus, Lucius

Ex destris, Lucius, Robertus, Kynetus, Eliotus

Gladiatores mirantur antiquam (!?) imaginem Graecam

Nuntius de conventiculo Januario in die 21o

Salvete, amici Latine loquentes! Novo anno incepto, tempus conveniendi est ut de propositis nostris colloquamur. Congregabimur igitur die Saturni, 21o Januarii, hora 14a (sive 2a PM), ad bivium istum:

Pacific Beach Dr & Dawes St San Diego, CA 92109



Mansio autem laophorii (numero 30) proxima  ad bivium Grand Ave & Dawes St est.
Deinde deambulabimus sapide colloquentes per Litus Missionis usque ad agrum Belmontianum.

Venite crebri et valete!

Litus Missionis

Janus bifrons