Nuntius Conventiculi Januarii

Congregabimur, carissimi amici, die Saturni 18o Januarii (a.d. XV Kal. Feb.) , hora 14 (2 P.M.) ad bivium istud: 

La Jolla Farms Rd & Whitecliff Dr San Diego, CA 92037

Deinde Latine colloquentes ambulabimus in Agro Litorali Scrippsiano:

Quo facto, descendemus ad litus per Convallem Blackianam:

Postremo, conventiculum concludentes, revertemur ad autoraedas nostras, 

Venite ergo crebri ac bene calceati!

De conventiculo in campo Universitatis Californiae

Hodie, ante diem octavum Kalendas Decembres (sive 24o Novembris), reversi sumus ad campum Universitatis Californiae ubi jucundissimum conventiculum factum est. Gaudemus enim propter novum gladiatorem inter nos libenter acceptum, nomine Duncanus, qui linguam Latinam primo didicit in Vivario Novo, in Italia. Hieremias autem, veteranus gladiator, cum uxore sua venit, quam nobis introduxit. Deinde ambulavimus usque ad bibliothecam ut spectaremus exhibitionem de primordiis Didacopoleos, urbis nostrae. Rebus sat spectatis, ad thermopolium ivimus, Elioto generoso a siti nos liberante. Ibi, mirabile visu, non unam sed duas,  Elioti discipulas invenimus quae ad mensam nobiscum sederunt. Speramus vero Jacobam ac Beatam iterum ad conventicula nostra adfuturas. Postremo, duabus horis celeriter praeteritis, tempus valedicendi factum est. Ad futurum conventiculum, amici!

Liber Latinus in bibliotheca exhibitus

Gladiatores veteres, novi, futurique.

De conventiculo Novembri

Cum mos nobis sit semel in anno sic facere. congregabimur in campo Universitatis Californiae.  Conveniamus ergo ad aream stativam Gilmaniensem (vulgo Gilman Parking Structure), die Solis, 24o Novembris, hora 13a (sive  1 P.M.). Deinde, si vobis placuerit, visitabimus in bibliotheca exhibitionem de Didacopoleos primordiis. 

Valete, amici!

9500 Gilman Dr
La Jolla, CA 92093

Inspice Largiorem Chartam

Area Stativa Gilmaniensis

Imagines conventiculi Octobris

Hodie, ante diem XIV Kalendas Novembres, (i.e., die 19o Octobris), tres Latinitatis vivae gladiatores, nemper Eliotus, Hieremias ac Robertus, ascendimus Montem Helicem. Spectavimus autem locum amoenum, magnificas domus, pulcherrimam urbis visionem. Praesertim vero amicitiam Latine loquendo coluimus. Gratias ergo plurimas habemus Hieremiae, qui ex longinquo venit, fabulas in telephonio invenit, et duci fallibili subvenit, et Elioto, qui  sapientiae suae margaritas nobis non pepercit.

Ante siphonariorum stationem

Titulus Montis Helicis

Eliotus Hieremiasque mirantes

Eliotus ostendit saltationem lascivam, more cujusdam puellae.

Tres gladiatores.

Alter titulus

Visio ex Monte Helice.

Nuntius conventiculi Octobris.

Elioto Hieremiaque consentientibus, congregabimur, amici, die Saturni 19o Octobris, hora 14a, ad bivium istum:

Fuerte Dr & Vivera Dr Casa de Oro-Mount Helix, CA 91941 ‎

Ubi congregabimur.

Deinde facile ascendemus ad summum Montem Helicem, ubi  visionem Didacopoleos pulchram spectemus.
Mons autem sic noncupatur quia multae cochleae ibidem habitant quibus nomen scientificum Helix aspersa. Venite crebri!

Mons Helix

Helix aspersa

Conventiculum in Convalle Pinnaculorum

Hodie, a.d. IV Kal. Oct., congregati sumus in Valle Pinnaculorum, quam jam videramus mense Januario. Hac vero vice usque ad parvum dejectum aquarum ambulavimus, plurimis obviis animalibus et rationalibus et brutis. Aderunt enim non solum nonnulli equites cum equis suis, sed etiam cervam vidimus cum duobus hinnuleis. Cum ad metam pervenissemus,  reversi sumus ad aream stativam, aliquantulo quidem fatigati, laeti tamen.

Equites in via

Cerva cum prole sua.

Gladiatores ad metam.

Hieremias ostendit librum de Harrio Potter in Latinam versum

Nuntius conventiculi Septembris

Cum saltem tres gladiatores conventuri sint, congregabimur ideo die Saturni 28o Septembris, hora 14a, ad explorandam Convallem Pinnaculorum (Penasquitos Canyon). Autocinetum autem vestrum relinquatis, si placuerit vobis, apud:

Canyonside Park Driveway San Diego, CA 92129  ubi est area stativa gratuita 

Deinde usque ad parvum dejectum aquarum ambulabimus. Venite ergo bene calceati.