Nuntius de conventiculo Februario

Die Saturni 28 Februarii, pridie Kalendas Martias, conveniemus hora 14a (2 P.M.) ad bivium istud:

Moana Dr & Lomaland Dr

San Diego, CA 92107 ‎

Deinde ambulabimus per campum Universitatis Punctae Lomae saltem usque ad theatrum Graecum, quod nondum Hieremias noster vidit.

Theatrum Graecum

Utinam dormientes gladiatores, veteres novique, loci pulchritudine expergefacti nobiscum congregentur.. Venite, venite! Vos expectamus!

Imagines de conventiculo Januario

Hodie congregati sumus in oppido La Jolla tres gladiatores, Robertus, Eliotus et Hieremias, quem comitata est fidelis uxor Josephina.  Arduum quidem  fuit invenire areas ad autoraedas statuendas, praesertim cum dies serenus esset, tandem autem invenimus. Ambulavimus deinde usque ad musaeum artis modernae, ubi invenimus simulacrum fabri (sive fabrae, ipse Eliotus putat). Postea, ad oram progressi, ibi spectavimus nuptias. Postremo reversi sumus ad autoraedas nostras. Gratias ago vobis, amici, ob colloquium saltem mihi jucundissimum!

Robertus, Eliotus inter crura simulacri, Hieremias.

Simulacrum simile alterius in campo Universitatis Californiae

Nuntius de conventiculo Januario

Congregabimur, amici Latine loquentes, die 31o Januarii (pridie Kalendas Februarias), hora 14a (2 P.M.), in oppido La Jolla, quo post nonnullos annos redibimus:

Prospect Pl & Park Row San Diego, CA 92037




Deinde ambulabimus secus litus, admirantes loci pulchritudinem et lepide colloquentes. Cum iter arduum non sit, induimini tamen calceamenta ambulando apta.

Imagines conventiculi Decembris

Hodie tres veterani gladiatores congregati sunt in campo Universitatis Californiae ut acciperent inter gregem nostrum novam gladiatricem: Helenam Elizabethae illius sororem! Deinde quattuor Latinitatis vivae cultores per campum ambulaverunt colloquentes, mirantes monumenta nonnulla: primo,  tristis inscriptio pro juvene bellum Vietnamense deprecante, qui se interfecit adhuc quadraginta quattuor annos; deinde lapides magnas quodam modo Choreae  Gigantum monentes; postremo sellam rubram maximam, super qua Eliotus vere ex cathedra locutus est. Remedium autem inventum est ne machinula photographica animam illius eripiat: personam enim Guidonis Fauxi indutus non-professor tutum ab omnibus periculis se profitetur. De quo omnes ex imo corde gaudemus.  Cum hoc fuerit ultimum hujus anni conventiculum, optamus omnibus felicem Nativitatem et prosperum annum MMXV.

Monumentum Georgii discipuli qui se interfecit anno MCMLXX ut bellum Vietnamense deprecaretur.

Robertus, Hieremias, Eliotus "Guido", Helena

Hieremias, Eliotus "Fauxus", Helena, Robertus

Sella maxima

Eliotus ex cathedra

Eliotus et Hieremias 

Natatorium

Nuntius Conventiculi Decembris

Hoc mense, amici gladiatores, die Saturni 6o, hora 14a (2 PM), revertemur ad campum Universitatis Californiae, ubi saepe jam congregati sumus. Notate autem locum exactum:

N Torrey Pines Rd & Muir College Dr
La Jolla, CA 92037



Ibi saltem Helenam, alteram sororem Kim, Deo volente, inveniemus. Deinde, Latine colloquentes, ambulabimus usque ad horam 16am.Venite crebri!

Heri, in Missione Sancti Didaci

Heri, die Saturni ante diem VI Idus Novembres, tres gladiatores (nempe Eliotus, Hieremias atque Robertus), amicitiae per linguam Latinam vivam refovendae, congregati sunt in Missione Basilica Sancti Didaci. Dum ambularent per sacellum, musaeum, hortum et ecclesiam ipsam, locuti sunt de variis rebus ad locum pertinentibus. Sed fugit interea tempus. Qua de causa valedixerunt, spondentes se ad futurum conventiculum adfuturos. Et vos, cur non venistis?

Nuntius de conventiculo Novembri

Dolentes quod Elizabetha ac soror sua nos non comitaturae sint, congregabimur tamen die Saturni 8o Novembris, hora 14a (sive 2a PM) apud Missionem Basilicam Sancti Didaci:

10818 San Diego Mission Rd, 

San Diego, CA 92108

Deinde Latine lepide colloquentes visitabimus ecclesiam, parvum musaeum et excavationes.

Venite crebri ac interea valete!