Libri antiqui

Amicus meus Italicus misit mihi aliquas imagines de libris antiquis restauratis vel restaurandis. Josephus enim multum  in hoc labore  delectatur per quem non solum opera majorum nostrorum salvat sed etiam praeteritos librorum cognoscit  possessores.

Editio operum a Cornelio Nepote

In prima autem imagine ostenditur editio Patavina ex anno 1730 operum Cornelii Nepotis. Quo libro puer ignotus usus est qui  in paginis reliquit scriptas propter forsitan taedium picturas aliquas. Tamen multus labor expectat amicum meum, cum imperitus quidam jam conatus sit librum restaurare.

Opera Virgilii

Hic autem inspicimus editionem Neapolitanam ad usum Delphini operum Virgilii. Quam fere integram Josephum acquisivit.

Editio operis a Jacobo Pontiano, S.J. scripti

Postremo ecce Progymnasmata Latinitatis a Jacobo Pontano, S.J. Editio haec non indiguit renovatione. Si Josephus alias imagines miserit, vobis ostendam. 

XII - In aula

XI - Nequeo tolerare!

X - Filia regis

IX - Mater et genius

VIII - Exitus

Errare humanum est

Amicus meus sacerdos nuperrime accepit diploma Latine exaratum. Miseram linguam Latinam! Duas enim mendas inveni.

 

Imago conventiculi Octobris

Ecce imago conventiculi hodierni quod circa Lacum Miramarinum factum est. Adfuerunt Heremias cum uxore Josephina, Eliotus, Robertus. Qui per fere duas horas ambulaverunt secundum oram lepide colloquentes sub divo sereno.

Nuntius conventiculi Octobris

Amici, congregabimur ad Latine loquendum  cras die Saturni  28o Novembris,  hora 13:00 (sive 1 P.M.),apud Lacum Miramarinum (vulgo, Miramar Lake). Illic jam adfuimus. In area stativa, ubi sagitta in charta geographica indicat, vos expectabimus.

10710 Scripps Lake Dr, San Diego, CA 92131

32.9139308,-117.0993356

Venite crebri!

VII - Magus

VI - Ira

Imago conventiculi Septembris

Hodie, pridie Kal. Oct., convenimus tres gladiatores in horto qui nominatur Extensio Pinorum torreyanarum. Adfuerunt enim Eliotus, Alexander, ego. Adfuit autem Heremias noster quia uxor aegrotabat. Cui ex imo corde optamus  bonam valetudinem. Ambulavimus per hortum mirantes pulchras Pinos torreyanas et colloquentes praecipue de rebus academicis. Mense autem futuro veri similiter congregabimur prope domum Alexandri, cujus uxor paritura est.

Ex sinistris, Pinus Torreyana, Robertus, Eliotus, Alexander

V - Hortus

IV - Scalæ

Nuntius conventiculi Septembris

Pridie Kalendas Octobres, more hodierno die Saturni 30o Septembris, hora 13a (1 P.M.) congregabimur ante domum hanc:

13500 Mar Scenic Dr 
Del Mar, California

Deinde ambulabimus Latine colloquentes per hortum qui Extentio Pinorum Torreyanarum nuncupatur.

Etsi iter non videtur arduum, tamen via non est strata. Venite ergo caligati. Neque obliviscimini petasi vel umbraculi!

Elegi autem locum istum quia commodus erit mihi. Nam ante conventiculum, hora 10a, est mihi prope ministrandum Iliceti (vulgo Encinitas) in Missa Latine cantata propter festum divi Hieronymi, illius doctissimi atque de plurimis linguis peritissimi viri. Optatitissimi vero eritis, si adfueritis.

III - Cena

II - Pater mortuus est

Imagines conventiculi hodierni

Hodie tres gladiatores, Eliotus, Hieremias (cum uxore), ego tandem convenimus in Insula Portuensi ut Latine colloqueremur. Jam enim multi dies praeteriverant post novissimum conventiculum. Multa igitur enarranda nobis erant de vita nostra. Hieremias enim alacriter procedit per cursum disciplinae legalis. Eliotus autem, inter alia, nonnulla de infantia sua illustravit. Ego vero de itineribus meis et de defectu Solis locutus sum. Sic confabulantes celeriter ad finem conventiculi pervenimus et vale diximus. Ad proximum mensem, amici!

Heremias, gladiator ignotus (?!), Robertus

Eliotus et Hieremias et centrum urbis.

I - Magus scelestus

Nuntius conventiculi Augusti

Conveniemus, amici gladiatores, die Saturni 26o Augusti, hora 13:00 (1 P.M.),  in area stativa hac:

1910 Harbor Island Dr
San Diego, CA 92101



Deinde ambulabimus Latine colloquentes per Insulam portuensem, ubi optamus temperaturam non calidiorem futuram esse. Venite, crebri!

Nemunculus in Dormitoria 1905-00-00

Editio chartacea fabulae Benhur

Etsi gratis semper hinc potestis capere, nunc invenitur editio chartacea.

$15.00

Est etiam editio Graeca.

Pentecoste

Tota fabula de Benhur

Hic fors facilius invenietis.

Benhur XLII: Resurrectio

Imagines conventiculi hodierni

Hodie, a.d. VI Kal. Jun., convenimus tres gladiatores, Eliotus, Hieremias (cum uxore), Robertus, apud Stationem Libertatis, ubi olim erant castra navalia. Deinde Latine loquentes ambulavimus circiter unam horam et dimidiam. Libenter vero audivimus de progressu Heremiae in jurisprudentia. Eliotus autem, sicut solet, ex sapientia sua margaritas plurimas donavit. 

Ante navem fictam

Eliotus protegit et se et Hieremiam.

Nos tres

XLI Benhur: Benhur intelligit

Nuntius conventiculi Maji

Hoc mense, amici, visitabimus Stationem Libertatis, apud quam nunquam ante adfuimus. Congregabimur igitur die Saturni 27o Maji, hora 13:00 (1 PM)  in area stativa hac:

2495 Truxtun Rd, San Diego, CA 92106

Navis ficta

Deinde procedemus per propinquum agrum de quolibet Latine colloquentes. Venite crebri!

XL Benhur: Via Crucis

XXXIX Benhur: Narratio Maloch

XXXVIII Benhur: Mali nuntii

Imagines conventiculi Aprilis

Die Solis 23o Aprilis, a.d. IX Kalendas Majas, convenimus tres gladiatores, Eliotus, Matthias, Robertus in Convalle Pinnaculorum. Ibi ambulavimus per semitam versus orientem (nam adhuc partem occidentalem exploravimus), Matthia ob allergiam saepe sternuente. In fine autem semitae, Eliotus insignia dexteritatis exempla exhibuit. Primum enim ambulavit super tignum (vel trabem?). Deinde impavidus transivit per rivum. Tandem autem, reversi ad aream stativam, vale diximus.

Histrio sicut Maria Poppins 

...progreditur...

...progreditur...

...breviter haesitat...

salit!

Matthias, Eliotus, Robertus

Per aerem, per aquam... Quis continebit eum?

Conventiculum Aprile

Amici, die Solis 23o Aprilis, hora 13:15 (1:15 P.M.)  conveniemus ad hanc aream stativam:

Canyonside Community Park
12350 Black Mountain Rd, San Diego, CA 92129

Deinde Latine confabulantes ambulabimus  per Convallem Pinnaculorum  versus orientem. Nam  partem occidentalem jam visitavimus, numquam autem orientalem. Venite ergo apte calceati, cum petasis vel umbraculis.

Calceamenta muliebria inepta

 Anthemis cotula