Sunday, November 24, 2013

De conventiculo in campo Universitatis Californiae


Hodie, ante diem octavum Kalendas Decembres (sive 24o Novembris), reversi sumus ad campum Universitatis Californiae ubi jucundissimum conventiculum factum est. Gaudemus enim propter novum gladiatorem inter nos libenter acceptum, nomine Duncanus, qui linguam Latinam primo didicit in Vivario Novo, in Italia. Hieremias autem, veteranus gladiator, cum uxore sua venit, quam nobis introduxit. Deinde ambulavimus usque ad bibliothecam ut spectaremus exhibitionem de primordiis Didacopoleos, urbis nostrae. Rebus sat spectatis, ad thermopolium ivimus, Elioto generoso a siti nos liberante. Ibi, mirabile visu, non unam sed duas,  Elioti discipulas invenimus quae ad mensam nobiscum sederunt. Speramus vero Jacobam ac Beatam iterum ad conventicula nostra adfuturas. Postremo, duabus horis celeriter praeteritis, tempus valedicendi factum est. Ad futurum conventiculum, amici!

Liber Latinus in bibliotheca exhibitus

Gladiatores veteres, novi, futurique.

Tuesday, November 19, 2013

De conventiculo Novembri

Cum mos nobis sit semel in anno sic facere. congregabimur in campo Universitatis Californiae.  Conveniamus ergo ad aream stativam Gilmaniensem (vulgo Gilman Parking Structure), die Solis, 24Novembris, hora 13a (sive  1 P.M.). Deinde, si vobis placuerit, visitabimus in bibliotheca exhibitionem de Didacopoleos primordiis. 

Valete, amici!

9500 Gilman Dr
La Jolla, CA 92093




Area Stativa Gilmaniensis

Saturday, October 19, 2013

Imagines conventiculi Octobris

Hodie, ante diem XIV Kalendas Novembres, (i.e., die 19o Octobris), tres Latinitatis vivae gladiatores, nemper Eliotus, Hieremias ac Robertus, ascendimus Montem Helicem. Spectavimus autem locum amoenum, magnificas domus, pulcherrimam urbis visionem. Praesertim vero amicitiam Latine loquendo coluimus. Gratias ergo plurimas habemus Hieremiae, qui ex longinquo venit, fabulas in telephonio invenit, et duci fallibili subvenit, et Elioto, qui  sapientiae suae margaritas nobis non pepercit.

Ante siphonariorum stationem

Titulus Montis Helicis

Eliotus Hieremiasque mirantes

Eliotus ostendit saltationem lascivam, more cujusdam puellae.
Tres gladiatores.

Alter titulus

Visio ex Monte Helice.

Saturday, October 12, 2013

Nuntius conventiculi Octobris.

Elioto Hieremiaque consentientibus, congregabimur, amici, die Saturni 19o Octobris, hora 14a, ad bivium istum:

Fuerte Dr & Vivera Dr Casa de Oro-Mount Helix, CA 91941

Fuerte Dr & Vivera Dr, Casa de Oro-Mount Helix, CA 91941
Ubi congregabimur.

Deinde facile ascendemus ad summum Montem Helicem, ubi  visionem Didacopoleos pulchram spectemus.
Mons autem sic noncupatur quia multae cochleae ibidem habitant quibus nomen scientificum Helix aspersa. Venite crebri!

Mons Helix

Helix aspersa

Saturday, September 28, 2013

Conventiculum in Convalle Pinnaculorum


Hodie, a.d. IV Kal. Oct., congregati sumus in Valle Pinnaculorum, quam jam videramus mense Januario. Hac vero vice usque ad parvum dejectum aquarum ambulavimus, plurimis obviis animalibus et rationalibus et brutis. Aderunt enim non solum nonnulli equites cum equis suis, sed etiam cervam vidimus cum duobus hinnuleis. Cum ad metam pervenissemus,  reversi sumus ad aream stativam, aliquantulo quidem fatigati, laeti tamen.


Equites in via

Cerva cum prole sua.
Gladiatores ad metam.
Hieremias ostendit librum de Harrio Potter in Latinam versum

Thursday, September 26, 2013

Nuntius conventiculi Septembris


Cum saltem tres gladiatores conventuri sint, congregabimur ideo die Saturni 28o Septembris, hora 14a, ad explorandam Convallem Pinnaculorum (Penasquitos Canyon). Autocinetum autem vestrum relinquatis, si placuerit vobis, apud:


Canyonside Park Driveway San Diego, CA 92129  ubi est area stativa gratuita 


Canyonside Park Dr, San Diego, CA 92129

Deinde usque ad parvum dejectum aquarum ambulabimus. Venite ergo bene calceati.

Sunday, August 11, 2013

Imagines conventiculi hesterni.

Heri, amici, conventiculum factum est quodam modo in Paeninsula Coronato. Propter enim maximum commeatum, cum difficillimum fuit nobis aream pro autocinetis nostris stativam invenire, tum reditus domum longissimus. Amicitiae tamen  (fere) omnes  molestias fugantis, dulce mihi saltem fuit convenire cum Elioto, vero fonte sapientiae, Hieremiaque, inter gladiatores sanissimo. Visitavimus enim illum Deversorium Coronatum ubi sorbuimus potiones (gratias iterum Elioto) lepide Latine loquentes. Julia autem nostra nobiscum non adfuit neque ullae aliae mulieres. Optamus vero ad venturum conventiculum alteram caeli partem adfuturam.


Hieremias Elioto ostendit tebellam ex anno 2008, cum Elioti lectionibus de  lingua Latina
Frusto Eliotus se defendit a maligna machinula, dum Hieremias et Robertus non curant. 

Sunday, August 4, 2013

Nuntius conventiculi Augusti

Auditis gladiatorum consiliis, conveniemus die Saturni 10o Augusti, hora 15a (3 PM) in paeninsula Coronato apud 
bivium istum:



Rh Dana Pl & Ocean Blvd, Coronado, CA 92118


Deinde ambulabimus placide Latine loquentes secundum litus. Admirabimur enim Oceanum necnon pulchras domus. Venite crebri!

Saturday, July 13, 2013

Imagines conventiculi in Puncta Loma

Hodie, die Saturni 13o Julii, congregati sumus in Puncta Loma ut Latine colloquentes ambularemus secus Oceanum. Parentes autem mei, qui nunc me visitant, mecum erant. Quibus retro relictis,  Eliotus, Julia, Alicia et ego iter coepimus  ad stratum pontilem in Ora Oceanica. Ibi vero vidimus duos psittacos qui super filo electrico sedebant. Deinde, reversi ad initium, conventiculo completo parentibusque meis inventis, laeti vale diximus invicem.


Cautus Eliotus ac duae subridentes gladiatrices

Nos omnes. Ex sinistris, Robertus, Eliotus, Julia, Alicia

Duo psittaci

Sunday, June 30, 2013

De conventiculo Julio in Puncta Loma.


Concordantibus tribus saltem gladiatoribus, fiet conventiculum Julium, amici carissimi. Melius attamen mihi videtur prope Oceanum congregari, ut vitemus caniculae aestus. Proinde die Saturni 13o Julii (a.d. III Idus Jul.), hora 15a (vel 3 PM., vel IX more majorum),  conveniemus in isto loco:





Sunset Cliffs Blvd & Ladera St, San Diego, CA 92107


Deinde ambulabimus secus litus, placide Latine colloquentes necnon pulchritudinem loci contemplantes. Fortasse autem parentes mei nobiscum erunt. Venite crebri!


Saturday, June 1, 2013

De conventiculo Junio et ascensione ad Montem Nigrum


Hodie, Kalendis Juniis, tres impavidi Latinitatis vivae gladiatores convenerunt in Villa Pinnaculorum (vulgo Rancho Penasquitos) ad Montem Nigrum ascendendum. Gressus autem velox linguas gladiatorum frenare non potuit, lepide omnibus Latine loquentibus. Cum pervenissemus ad montis cacumen, neminem illic invenimus qui photagrammata nostri caperent. Propterea machinulam photographicam meam instruxit quae, nullo  operante, ipsa caperet photogrammata. Dum pulchriores imagines nostri sint, conventiculum quidem jucundissum fuit.

Julia et Eliotus parati ad ascensionem.

In cacumine montis

Ibidem


Ex sinistris, Julia, Robertus, optima pars Elioti.


Sunday, May 26, 2013

Nuntius conventiculi Junii

Cum saltem tribus gladiatoribus placeat convenire Kalendis Juniis, 
conveniemus itaque hora 15a (3 PM), die Saturni, primo die mensis,  apud aream stativam hanc:


Deinde ascendemus Montem Nigrum (vulgo, Black Mountain).

Gratias quidem ago Elioto Juliaeque qui spoponderunt se adfuturos, spero autem alios ex vobis nobiscum congregaturos. 


9711 Oviedo Way, San Diego, CA 92129


View from Black Mountain

Sunday, March 24, 2013

De conventiculo in Pineto Torreyano.

Heri quinque, duce vestro incluso,  fortes gladiatores congregati sunt in Pineto Torreyano: Ha, quam post multos menses laeti revidimus, Eliotus, qui gratus a Ha umbraculum violaceum mutuatus est, Hieremias, qui longissum omnium iter  pro amicitia ac lingua latina viva semper facit, Elizabetha, quae studia tandem deposuit ut nobiscum conveniret. Placide deinde lingua Latina colloquentes, ambulavimus per locum amoenum usque ad promuntorium super Oceanum Pacificum. Postea reversi sumus ad aream stativam ubi  valediximus invicem. Ad futurum conventiculum, amici!

Eliotus Hae umbraculo cutem protegit

Hieremias opuntiae proprietatem explicat 

Nos omnes

Idem

Saturday, March 16, 2013

Conventiculum in Pineto Torreyano!


Dicebatur in medio aevo omne trinum esse perfectum. Jam enim bis conati sumus convenire in Pineto Torreyano. Primo, cum ludi pilamallei  haberentur circa pinetum, convenimus aliubi, nempe in Villa Pinnaculorum. Secundo, conventiculum factum non est, me aegrotante ac infelice. Nunc autem, Deo volente,  congregabimur die Saturni 23o Martii, hora 15a (3 PM), more aestivo, in hac area stativa gratuita apud cursum pilamallei:



Illinc Latine colloquentes ambulabimus ad Pinetum Torreyanum. Oportet vos caligis calceatos venire.


11480 Torrey pines park Rd, San Diego, CA 92037


Fasciculus:Caligae from side.jpg

Friday, February 22, 2013

Conventiculum Martium

Mense Februario breviore, conveniemus, amici gladiatores, die Saturni 2a Martii (a.d. VIII Non. Mart.), hora 14a, in hac area stativa gratuita apud cursum pilamallei:



Deinde ambulabimus Latine colloquentes ad Pinetum Torreyanum.


11480 Torrey pines park Rd, San Diego, CA 92037



Fasciculus:Caligae from side.jpg


Venite crebri ac caligis calceati.



Saturday, January 26, 2013

In Villa Pinnaculorum

Hodie, quattuor Latinitatis vivae gladiatores congregati sumus in antiqua Villa Pinnaculorum, quae est in Convalle Pinnaculorum. Ibi locuti sumus de multis gravibus rebus. Primo enim interrogatus sum de corona solari, deinde Alicia de socolata declamavit. Postea Hieremias nobis ostendit versionem Latinam de fabula anglica "The Hobbit". Collocuti quoque sumus de sancto Didaco et sancto Jacobo apostolo, quos Eliotus miratus est. Postremo de Aenea ac Didone disputavimus, utrum liceret viro illi mulierem reliquere, deis jubentibus, an non. Res quam incerta! Sic duae horae celeriter transierunt. Ad proximum conventiculum!


In Villa Pinnaculorum

Eliotus ostendit laterem crudum (vulgo Adobe)

Hobbitus Ille et Hieremias Ille

Eliotus ostendit capras gladiatoribus

Nos omnes (saltem illi non timidi)

Idem