Saturday, September 29, 2018

Imago conventiculi hodierni

Hodie convenimus in campo Universitatis Californiae tres gladiatores. Non autem venit Josephina uxor Hieremiae propter morbum. Optamus ei salutem. Deinde ambulavimus primum ad bibliothecam. Illic inspeximus imagines ab illo doctore Suess pictas et mappam mundi.  Postea vagati sumus  usque ad aream stativam novam, quae Elioto valde placuit. Imago vero nostra facta est ante ostium areae stativae. Collocuti autem placide sumus et de re politica.  De qua tamen placet nunc silere.


No comments:

Post a Comment

Scribete Latine, quaeso!